Працягваюцца намаганні, каб выцягнуць аўтамабіль, які выкарыстоўвалі амерыканскія салдаты на палігоне Падброддзе ва ўсходняй Літве. Яны лічацца прапаўшымі без вестак, на месцы здарэння працягваюцца пошукава-выратавальныя работы.
Працягваюцца работы па ўмацаванні берагоў вадаёма, дзе патануў гусенічны аўтамабіль амерыканскіх вайскоўцаў. Там балоцісты рэльеф, і ратаўнікі апасаюцца, што прывезены экскаватар ды кран могуць загразнуць у балоце. Вайскоўцы тлумачаць, што працэс асушэння тэрыторыі ўскладняецца яшчэ і пранікненнем грунтавых вод.
Амерыканскія жаўнеры зніклі на пачатку тыдня падчас вайсковых вучэнняў на палігоне Падброддзе. Сувязь з імі спынілася пасярод лесу каля беларускай мяжы. Месца гэта цяжкадаступнае і балоцістае. Сотавая сувязь там таксама абмежаваная.
ПР/юл