Канвенцыя забараняе выкарыстанне, назапашванне, вытворчасць і перадачу супрацьпяхотных мін.
«Сітуацыя з бяспекай у Еўропе і Фінляндыі змянілася. Расія ёсць і застанецца пагрозай для ўсёй Еўропы. Фінляндыя і Еўропа павінны ацаніць усе меры па ўмацаванні нашага стрымлівання і абароназдольнасці. Індывідуальна і ў рамках НАТА», — заявіў фінскі палітык.
Прэм'ер-міністр Фінляндыі таксама абвясціў, што да 2029 года агульныя выдаткі на абарону будуць павялічаны як мінімум да трох працэнтаў ВУП.
18 сакавіка міністры абароны Польшчы, Літвы, Латвіі і Эстоніі рэкамендавалі выйсці з Атаўскай канвенцыі. У заяве гаворыцца, што гэтыя краіны гатовыя і здольныя выкарыстоўваць любыя неабходныя сродкі для абароны сваёй тэрыторыі і свабоды. Таксама было заяўлена, што, нягледзячы на выхад з Канвенцыі, краіны застаюцца абавязанымі па міжнародным гуманітарным праве, уключаючы абарону грамадзянскага насельніцтва падчас узброеных канфліктаў.
IAR/вх