Не чапаць бурбона! Парыж асцерагаецца, што амерыканскае мыта ўдарыць па французскай віннай прамысловасці

Намеснік кіраўніка Еўракамісіі кажа пра магчымы адказу на мытныя тарыфы ЗША, але без пошлін на амерыканскі бурбон.

Алкаголь. Здымак мае ілюстрацыйны характар.

Felix Wolf/pixabay.com/CC0 Public Domain

Еўрасаюз адкажа на мытныя тарыфы ЗША прапарцыйна, заяўляе намеснік кіраўніка Еўракамісіі, камісар па прамысловай стратэгіі Стэфан Сежурнэ. Усё ж французскі палітык спадзяецца, што адказ ЕС не закране амерыканскага віскі, каб дазволіць пазбегнуць увядзення амерыканскага мыта таксама на еўрапейскую алкагольную прамысловасць. Гэта адна з тэм, якія будуць абмяркоўвацца на сённяшняй сустрэчы міністраў гандлю краін ЕС у Люксембургу.

«Прапарцыйнасць і ўмацаванне еўрапейскага адзінства» - такімі прынцыпамі, паводле намесніка кіраўніка Еўракамісіі, павінен кіравацца ЕС у адказ на амерыканскія мыты.

Паводле яго, на гэтым тыдні будзе складзены спіс амерыканскіх тавараў, на якія могуць быць уведзеныя дадатковыя пошліны.

«Што тычыцца бурбона, я спадзяюся, што яго можна будзе выключыць з гэтага спісу», — падкрэсліў французскі камісар у інтэрв'ю радыё France Inter.

Гэта ключавое пытанне для ўладаў у Парыжы і французскай віннай прамысловасці, якая ў значнай ступені залежыць ад экспарту ў ЗША.

Раней Дональд Трамп прыгразіў увесці 200-працэнтныя мытныя пошліны на еўрапейскі алкаголь у выпадку „нападу ЕС” на бурбон.

«Гэта не значыць, што Еўропа нічога не будзе рабіць у дачыненні да іншых сектараў», — запэўніў Сежурнэ.

Ён адзначыў, што ЕС таксама разглядае магчымасць выключэння амерыканскіх кампаній з публічных тэндэраў ЕС.

IAR/аз