Спікер Еўрапарламента абяцаў Літве дапамогу ў ахове мяжы

«Мяжа паміж Літвой і Беларуссю – гэта еўрапейская мяжа», – адзначыў Сасолі падчас прэс -канферэнцыі ў Вільні.

Сцяг Літвы

Photo:jorono/pixabay.com/CC0 Public Domain

Спікер Еўрапарламента Дэвід Сасолі падчас візіту ў Літве аб’яцаў краіне падтрымку ва ўмацаванні бяспекі мяжы з Беларуссю. Ён падкрэсліў, што беларускі аўтарытарны лідар Аляксандр Лукашэнка выкарыстоўвае мігрантаў у якасці палітычнага ціску на суседнія краіны.

«Мяжа паміж Літвой і Беларуссю – гэта еўрапейская мяжа», – адзначыў Сасолі падчас прэс -канферэнцыі ў Вільні. «Я бачыў скандальныя дзеянні, калі беларускія памежнікі «падштурхоўвалі» людзей на тэрыторыю Літвы. Гэта пытанне гуманнасці, але і пытанне абароны мяжы Еўрапейскага Саюза», – падкрэсліў спікер Еўрапарламента.

Сасолі запэўніў, што Еўрапарламент і іншыя інстытуты ЕС прымуць меры для падтрымкі бяспекі мяжы. «Патрэбны сродкі і рэсурсы для абароны еўрапейскага прасторы, таму Еўрапарламент і іншыя інстытуты пачнуць дзейнічаць», – запэўніў ён.

Літоўскія памежнікі паведамілі, што ў аўторак 12 беларускіх вайскоўцаў нелегальна перасеклі мяжу «падштурхоўваючы» 35 мігрантаў на літоўскую тэрыторыю. Праз некалькі хвілін жаўнеры пакінулі тэрыторыю Літвы.

Падчас сумеснай канферэнцыі са старшынёй Еўрапарламента літоўская прэм'ер Інгрыдэ Шыманіце сказала, што «Літва вельмі сурʼёзна ставіцца да інцыдэнту на мяжы з Беларуссю».

PAP/аз