Пілот расійскага верталёта, які перайшоў на бок Украіны, атрымае 500 тысяч долараў у якасці ўзнагароды

Некаторыя аглядальнікі ва Украіне раскрытыкавалі гэтае рашэнне, сцвярджаючы, што лепш гэтыя грошы накіраваць на патрэбы ўкраінскай арміі.

Максім Кузьмінаў

PAP/Vladyslav Musiienko

Капітан ВПС РФ Максім Кузьмінаў, які ўцёк з Расіі ва Украіну на верталёце Мі-8, атрымае 500 тысяч долараў у якасці ўзнагароды, паведаміў прадстаўнік украінскай ваеннай разведкі Андрэй Юсаў. Некаторыя аглядальнікі ва Украіне раскрытыкавалі гэтае рашэнне, сцвярджаючы, што лепш гэтыя грошы накіраваць на патрэбы ўкраінскай арміі.

-Гэтую зарплату Кузьмінаву мы будзем плаціць у нашай нацыянальнай валюце, у грыўнях. Мы дзейнічаем на падставе закона – у красавіку 2022 года прэзідэнт падпісаў адпаведны акт на гэты конт. Згодна з прынятым тады палажэннем, расійскія вайскоўцы, якія пяройдуць ва Украіну са зброяй, будуць годна ўзнагароджаныя, – нагадаў Юсаў, якога цытуе партал «Украінская праўда».

Ён заклікаў пайсці слядамі Кузьмінава і іншых вайскоўцаў войска агрэсара. «Калі не хочаце стаць ваеннымі злачынцамі, здайцеся і далучайцеся да Украіны. Захоўвайце годнасць і змагайцеся з рэжымам Пуціна», – заклікаў ён.

9 жніўня Кузьмінаў разам з двума членамі экіпажа верталёта вылецеў з Курскага ваеннага аэрадрома ў рамках выканання афіцыйна запланаванага задання. Пасля прызямлення ў Харкаўскай вобласці пілот быў пераняты ўкраінскім войскам. Кузьмінаў атрымаў гарантыі бяспекі, і верталёт адправіўся на рэсурсы ўкраінскай ваеннай разведкі. Афіцэр таксама атрымаў прапанову ад уладаў у Кіеве застацца ва Украіне. Яго бацькі прыехалі ў гэтую краіну раней.

ав