11 верасня дзяржаўны сакратар ЗША Энтані Блінкен разам з міністрам замежных спраў Вялікабрытаніі Дэвідам Ламі прыбылі з візітам ва ўкраінскую сталіцу. Міністры прыбылі ў Кіеў на цягніку з польскай памежнай станцыі Пшэмысль.
У планах – сустрэча з прэзідэнтам Украіны Уладзімірам Зяленскім і высокапастаўленымі прадстаўнікамі ўкраінскага ўраду. Бакі плануюць абмеркаваць далейшую падтрымку Украіны ў яе барацьбы з расійскімі агрэсарамі. Акрамя таго, плануецца закрануць пытанні развіцця Украіны ў ваенным, эканамічным і дэмакратычным аспектах.
10 верасня Белы дом заявіў, што Блінкен падчас візіту ў Кіеў азнаёміцца з сітуацыяй на фронце і з мірнымі ініцыятывамі Уладзіміра Зяленскага, а таксама абмяркуе з украінскімі партнёрамі патрэбы Кіева.
Таксама 11 верасня ў Кіеў прыбылі прэзідэнт Літвы Гітанас Наўседа, прэм'ер-міністр Латвіі Эвіка Сіліня, кіраўнік Сената Чэхіі Мілаш Выстрчыл і прэмʼер-міністр Харватыі Андрэй Плянкавіч.
У Кіеве праходзіць саміт «Крымскай платформы». Гэта ініцыяваны Украінай міжнародны каардынацыйны механізм, накіраваны на вяртанне пытання Крыма ў міжнародны парадак дня, абарону правоў чалавека ў Крыме, садзейнічанне дэакупацыі паўвострава, а таксама ўмацаванне еўрапейскай і глабальнай бяспекі.
вс
