Gazeta Wyborcza піша, што, калі пачалася працэдура абмежавання праграмы аховы папуляцыі ваўкоў у краінах Еўрасаюзу, першы польскі муніцыпалітэт накіраваў у Міністэрства клімату і навакольнага асяроддзя заяўку на адстрэл гэтых жывёл. Гэта гміна Чарны-Дунаец, якая мяжуе са Славакіяй. На думку мясцовых дэпутатаў, пагрозу можа ўяўляць зграя з каля 10 ваўкоў, якія жывуць на горнай мяжы. Дэпутаты аднагалосна вырашылі звярнуцца ў міністэрства па дазвол на адстрэл.
«Апошнімі тыднямі ў некалькіх вёсках былі выпадкі, калі ваўкі нападалі на кароў на пашах. Пра такія выпадкі паведамлялі жыхары. Яны баяцца за сваіх дзяцей», — афіцыйна паведаміў дэпутат Адам Храмец.
Гэта не першы падобны запыт з гэтага раёна. Падчас кіравання краінай урада партыі «Права і справядлівасць» стараста гораду Новы Тарг патрабаваў вынішчыць ваўкоў ва ўсёй акрузе. Меркаваннем эколагаў, звароты мясцовых уладаў – гэта ўплыў паляўнічага лобі. Хтосьці імкнецца запалохаць грамадства ваўкамі, што можа дрэнна закончыцца (для ваўкоў).
Міністэрства клімату і навакольнага асяроддзя не пагадзілася з аргументамі прадстаўнікоў гораду Новы Тарг. А зварот дэпутатаў з Чарны-Дунаец пакуль застаецца без адказу.
Газета нагадвае, што ў канцы верасня паслы краін-членаў ЕС прагаласавалі за абмежаванне аховы ваўкоў у Еўропе. «За» выступіла і Польшча.
нг