Пра гэта паведаміў прэзідэнт Украіны Уладзімір Зяленскі. Таксама ўдар пацвердзілі ў МАГАТЭ.
Беспілотнік пашкодзіў сховішча на ЧАЭС. Пажар быў патушаны. У цяперашні час радыяцыйны фон не падвышаўся і за гэтым стала сочаць. Па першых ацэнках, пашкоджанні сховішча істотныя, - паведаміў Зяленскі.
«Расія кожную ноч здзяйсняе такія атакі. Гэта значыць, што Пуцін дакладна не рыхтуецца да перамоваў. Ён рыхтуецца і далей ашукваць свет», - дадаў украінскі прэзідэнт.
Сховішча над разбураным 4-м энергаблокам ЧАЭС прадухіляе распаўсюджванне радыеактыўных рэчываў пасля тэхнагенна-экалагічнай катастрофы, выкліканай выбухам рэактара ў 1986 годзе.
У будаўніцтве з 2012 года разам з Украінай удзельнічалі краіны Еўропы, ЗША, а таксама іншыя дзяржавы. Агульны кошт праекта склаў больш за 2 мільярды долараў.
Крыніца: Zelenskiy / Official/юл