Беларускія кампаніі наладзілі вытворчасць і пастаўкі ў ЕС новай прадукцыі - антыгалалёднага рэагента Norta. Беларускі расследвальніцкі цэнтр высветліў, што пад гэтай назвай хаваецца тэхнічная соль, якую да ўвядзення абмежаванняў Беларусь у вялікіх аб'ёмах экспартавала ў Еўрасаюз. Яе рэальны вытворца – падсанкцыйны «Беларуськалій».
Да 2022 года Беларусь пастаўляла ў краіны ЕС солі на суму больш за 20 млн еўра ў год. Пазней пастаўкі пачалі зніжацца, паколькі супраць кампаніі «Беларуськалій» былі ўведзеныя санкцыі. Тым не менш, беларускія вытворцы знайшлі спосаб захаваць кліентаў. Яны прыдумалі новую назву звычайнай тэхнічнай солі і пачалі яе прадаваць пад назваю антыгалалёдны рэагент Norta. Але гэта надалей той жа сам прадукт, што і раней.
Беларускія кампаніі пастаўляюць беларускую соль у тыя ж фірмы, што і раней. Гэта, між іншым, кампаніі з Польшчы. Пры гэтым, усе кампаніі, якія займаюцца дастаўкай беларускай солі ў ЕС, маюць цесныя сувязі, - высветлілі журналісты БРЦ.