Беларуская служба Радыё Свабода вымушана адправіла частку рэдакцыі ў адпачынак па прычыне прыпыненага фінансавання. Нягледзячы на папярэднюю інфармацыю, што 25 сакавіка акруговы суд у Вашынгтоне задаволіў пазоў Радыё Свабодная Еўропа/Радыё Свабода, загадаўшы Агенцтву глабальных медыя ЗША (USAGM) перапыніць спробы закрыць медыякарпарацыю, афіцыйнага пацвярджэння аб аднаўленні грантавага фінансавання пакуль не адбылося.
Адпаведна, кампанія не мае належных сродкаў для паўнавартаснай працы. «З гэтай прычыны мы вымушаныя адправіць частку нашай рэдакцыі ў адпачынак. Адпаведна, бліжэйшым часам публікацыяў на нашых платформах стане прыкметна менш. Некаторыя з нашых знакавых праектаў — «ПіК Свабоды» на YouTube-канале «Свабода Premium» ці «Тлумачым з Гурневічам» на YouTube-канале Радыё Свабода, відэападкасты «Гісторыя на Свабодзе» і «Куды коціцца свет» — стануць на вымушаную паўзу», інфармуе Свабода.
ав