Беларуская Служба

Напрыканцы красавіка пачнецца эксгумацыя ахвяр Валынскай разні ў Пузьніках

02.04.2025 10:55
Як паведаміў украінскі археолаг Аляксей Златагорскі, агулам у рамках справы аб Валынскіх злачынствах належыць даследаваць 17 месцаў пахаванняў.
  ,   2023     .
Парэшткі ахвяр злачынства, знойдзеныя летам 2023 года ў Пузьніках ва Украіне. Foto: Fundacja WiD

24-25 красавіка пачнецца эксгумацыя ахвяр злачынстваў УПА ў Пузьніках, піша Rzeczpospolita са спасылкай на інфармацыю Олексія Златагорскага з арганізацыі „Валынскія старажытнасці”, якая кантралюе праект з украінскага боку. 

Ва Украіну ўжо адправілася група спецыялістаў для падрыхтоўкі матэрыяльна-тэхнічнага забеспячэння. У эксгумацыйных працах возьмуць удзел прадстаўнікі Фонду «Свабода і дэмакратыя», Інстытута нацыянальнай памяці разам са спецыялістамі Паморскага медыцынскага ўніверсітэта і ўкраінскімі археолагамі. З польскага боку місію ўзначаліць прафесар Анджэй Асоўскі, генетык, прарэктар па медыцынскіх тэхналогіях Паморскага медыцынскага ўніверсітэта ў Шчэціне, з украінскага — Аліна Харламава. 

Мяркуецца, што работы будуць ісці каля месяца.

З выяўленай ямы масавага пахавання навукоўцы дастануць парэшткі ахвяраў, а потым возьмуць пробы для аналізу ДНК. Навукоўцы папярэдне сабралі ў сваякоў параўнальны генетычны матэрыял і паспрабуюць апазнаць забітых. Потым іх парэшткі пахаваюць на мясцовых могілках. 

Вёска Пузьнікі сёння не існуе, знаходзілася на Падоллі каля Бучача. У ноч з 12 на 13 лютага 1945 года жыхары мястэчка падвергліся нападу аддзела УПА «Серыя Вількі». Украінскія нацыяналісты забівалі іх сякерамі, косамі і нажамі. Нашчадкі тых, хто выжыў, якія выехалі ў Польшчу, патрабавалі пошуку парэшткаў сваіх блізкіх.

Як паведаміў выданню ўкраінскі археолаг Аляксей Златагорскі, агулам у рамках справы аб Валынскіх злачынствах належыць даследаваць 17 месцаў пахаванняў.

вх