Затрыманы ўчора за шпіянаж на карысць Расіі грамадзянін Украіны — гэта Кірыл Молчанаў – прарасійскі прапагандыст і былы палітычны аналітык, паведамляюць украінскія СМІ. Паводле іх звестак, Малчанаў быў затрыманы па запыце Службы бяспекі Украіны і ўжо перададзены ўкраінскаму боку.
Украінец вядомы сваёй падтрымкай палітыкі Масквы ў дачыненні да Украіны. Ён шматразова з'яўляўся на расійскім дзяржаўным тэлебачанні, у тым ліку ў перадачах Уладзіміра Салаўёва, дзе выступаў 35 разоў. Малчанаў апраўдваў расійскае ўварванне ва Украіну і ўдзельнічаў у прапагандысцкіх кампаніях у Еўропе. У якасці агента Расіі ён ствараў пракрамлёўскія медыя, у тым ліку Voice of Europe.
Акрамя таго, ён звязаны з былым украінскім палітыкам і сябрам Уладзіміра Пуціна — Віктарам Мядзведчуком, якога затрымалі ў 2022 годзе ва Украіне і пазней перадалі Расіі ў межах абмену палоннымі.
У Еўропе Малчанаў арганізоўваў прарасійскія дэманстрацыі, заклікаючы адмовіцца ад падтрымкі Украіны і здзяйсняць тэрарыстычныя атакі ў краіне. Украінскія ўлады абвінавачваюць яго ў апраўданні і адмаўленні расійскай агрэсіі. Паводле ўкраінскіх СМІ, ён знаходзіцца ў Кіеўскім следчым ізалятары.
Падчас затрымання ў Польшчы яму прад’явілі абвінавачанне ва ўдзеле ў дзейнасці расійскай разведкі супраць Рэспублікі Польшча. Малчанаў вёў назіранне за польскімі вайсковымі аб’ектамі. Даючы паказанні, ён заявіў, што яго дзейнасць звязана з расійскімі ўладамі.
IAR/нг