Мэта вучэння — «стварэнне абстаноўкі, аналагічнай баявой, з улікам вопыту сучасных ваенных канфліктаў», адзначылі ў Мінабароны.
У вучэннях будуць задзейнічаныя авіяцыя і беспілотнікі. Ваенная тэхніка будзе перакінута ў раёны дыслакацыі. Армейскія часці пашыраць абарончыя пазіцыі.
Папярэдняя праверка боегатоўнасці ўзброеных сіл завяршылася ў сярэдзіне сакавіка і доўжылася паўтара месяца.
З лютага 2022 года, калі пачалося расійскае ўварванне ва Украіну, беларускае войска праводзіць рэгулярныя вайсковыя вучэнні, у тым ліку ля мяжы з Польшчай.
IAR/вх