Пытанне адказнасці за Другую сусветную вайну знойдзецца ў праграме двухдзённага візіту міністра замежных спраў Нямеччыны ў Польшчу. Сёння і заўтра Яцэк Чапутовіч і Гайка Маас прымуць удзел ва ўрачыстасцях 75-й гадавіны выбуху Варшаўскага паўстання.
Кіраўнік польскай дыпламатыі Яцэк Чапутовіч паінфармаваў, што ў плане візіту ёсць сустрэча нямецкага міністра з прэзідэнтам Анджэем Дудам і двухбаковыя размовы на актуальныя тэмы:
- Будуць размовы пра двухбаковыя адносіны, у тым ліку пытанне меншасцяў, таксама адказнасці за Другую сусветную вайну. Аднак, у дадзены момант гэта не з’яўляецца прадметам непасрэднай дыскусіі паміж нашымі МЗС.
Сёння абодва міністры будуць удзельнічаць ва ўрачыстасцях пад Помнікам Варшаўскага паўстання. У чацвер Яцэк Чапутовіч і Гайка Маас ускладуць вянок пад Помнікам ахвяр разні на Волі. У гэты дзень міністры наведаюць Музей Варшаўскага паўстання, дзе, між іншым, пройдзе сустрэча польскай і нямецкай моладзі.
ав