Члены новага Савета міністраў Матэвуша Маравецкага прынеслі прысягу перад прэзідэнтам

Цяпер прэм'ер мае два тыдні на тое, каб прадставіць праграмную прамову і атрымаць вотум даверу ў Сейме.

Склад новага ўраду Матэвуша Маравецкага

PAP/Paweł Supernak

Сёння ў Прэзідэнцкім палацы ў Варшаве члены новага ўрада Матэвуша Маравецкага, якому пасля выбараў прэзідэнт Анджэй Дуда даручыў місію сфарміравання новага Савета міністраў, прынеслі прысягу перад прэзідэнтам Польшчы.

Прэзідэнт Анджэй Дуда падкрэсліў, што новы ўрад складаецца ў асноўным са спецыялістаў, якія да гэтага часу займаліся практыкай:

- Ведаю вас як экспертаў. Сёння вы бераце на сябе надзвычай адказныя палітычныя функцыі ў кіраванні польскімі справамі. Шчыра вам за гэта дзякую. Гэта надзвычай важна задача», – сказаў прэзідэнт.

У новым урадзе Марыюш Блашчак застанецца на пасадзе кіраўніка Міністэрства нацыянальнай абароны. Новым міністрам развіцця і тэхналёгій стане Марлена Малёг. Міністэрства замежных справаў узначаліць Шыман Шынкоўскі вэль Сэнк, а працай Міністэрства юстыцыі будзе кіраваць Марцін Вархал. Міністрам аховы здароўя стане Эва Краеўска, міністрам сельскай гаспадаркі і развіцця вёскі – Анна Гембіцка, міністрам адукацыі і навукі – Кшыштаф Шчуцкі, а кіраўніком МУС Павел Шэфернакэр.

Кіраўніком Міністэрства дзяржаўнай маёмасці будзе Маржэна Малэк, Міністэрства фінансаў – Анджэй Каштоўняк, Міністэрства культуры і нацыянальнай спадчыны – Дамініка Харасіньска. Ізабэла Антос стане кіраўніком Канцылярыі прэм’ер-міністра.

Цяпер прэмʼер-міністр мае два тыдні на тое, каб прадставіць праграмную прамову і атрымаць вотум даверу ў Сейме.

Калі ўрад Матэвуша Маравецкага не набярэ абсалютнай большасці, паколькі апазіцыйная кааліцыя прагаласуе супраць, тады новага прэмʼер-міністра будзе выбіраць Сейм. Кандыдатам ад апазіцыйнай парламенцкай большасці на згаданую пасаду з’яўляецца былы прэм’ер Дональд Туск.

IAR/аз