У 26-ю гадавіну ўступлення Польшчы ў НАТА прэзідэнт краіны напісаў, што гэтая гістарычная падзея аб’яднала палякаў па-за палітычнымі падзеламі. Анджэй Дуда заклікаў у сацсетках да «яшчэ больш моцнага, чым калі-небудзь, адзінства ў гэтым фундаментальным для Польшчы пытанні».
26 гадоў таму, 12 сакавіка 1999 году, Польшча была прынятая ў НАТА. У гэты дзень у Індэпендэнсе ў ЗША міністр замежных справаў Браніслаў Герэмэк перадаў дзяржсакратару ЗША Мадлен Олбрайт грамату аб ратыфікацыі Паўночнаатлантычнага дагавора.
Разам з Польшчай да альянсу далучыліся Чэхія і Венгрыя.
Праз чатыры дні - 16 сакавіка - у штаб-кватэры НАТА ў Бруселі адбылася цырымонія прыняцця трох новых краін у Паўночнаатлантычны альянс.
IAR/яс