Прэс-сакратар МУС Яцэк Дабжыньскі (Jacek Dobrzyński) паведаміў на партале X, што арыштаваны на тры месяцы мужчына праводзіў разведку ваенных аб'ектаў у Польшчы.
Яго абвінавацілі ва ўдзеле ў дзейнасці расійскай выведкі супраць Рэспублікі Польшча.
Расследаванне па справе вядзе Нацыянальная пракуратура.
Гэта злачынства караецца пазбаўленнем волі на тэрмін ад 5 да 30 гадоў.
«Падазраваны даў тлумачэнні, у якіх апісаў ідэалагічныя матывы сваёй дзейнасці, якія вынікаюць з яго сувязяў з Расіяй», — напісаў Яцэк Дабжыньскі.
З пачатку вайны ва Украіне ў Польшчы па падазрэнні ў шпіянажы на карысць Расіі ці Беларусі былі затрыманыя 44 чалавекі. Сярод іх грамадзяне Беларусі, Расіі, Украіны і Польшчы.
IAR/вх