Хутчэй за ўсё, у бліжэйшую пятніцу будзе падпісаны кантракт з падрадчыкам і пачнецца будаўніцтва каналу праз Балтыйскую касу. Пра гэта паведаміў міністр марской эканомікі і рачнога флоту Марэк Грубарчык (Marek Gróbarczyk).
Дзякуючы гэтаму, паводле міністра, рэалізацыя перакопу касы ўвойдзе ў наступны, надзвычай важны этап.
„Будзе падпісаны кантракт з падрадчыкам і пачнуцца работы на Балтыйскай касе. Перыяд падрыхтоўкі займае найбольш часу ў выпадку гэткіх інвестыцый. Гэты праект звязаны з вельмі высокай палітычнай рызыкай. З іншага боку, ён пад наглядам Еўракамісіі, не кажучы ўжо пра расійскі бок, які сачыць за тым, што мы робім. Расія будзе выкарыстоўваць кожную нагоду, каб спыніць гэтую інвестыцыю”, - сказаў міністр.
Ён нагадаў, што ўрадавы бок мусіў „прайсці вельмі дэталёвы працэс падрыхтоўкі інвестыцый, пачынаючы са справаздачаў і атрымання дазволу на будаўніцтва”.
Канал будзе мець 1300 метраў даўжыні, 5 метраў глыбіні. Дзякуючы гэтай інвестыцыі з Балтыйскага мора ў Эльблёнг змогуць заходзіць судны даўжынёю да 100 метраў, шырынёю ў 20 метраў і глыбінёй 4 метры.
У цяперашні час шлях з Эльблёнга на адкрытае Балтыйскае мора вядзе толькі праз тэрытарыяльныя воды Расіі. Польскае судна кожны раз мусіць атрымаць ад Расіі дазвол.
Канал павінен быць гатовы ў 2022 годзе.
аз