Больш за 981 мільёнаў еўра прызначаць польскія ўлады на фінансаванне псіхіятрыі ў краіне

Колькасць дзяцей і падлеткаў, якія патрабуюць спецыялізаванай дапамогі і падтрымкі вырасла больш чым удвая, кажуць псіхіятры.

Kіраўнічка Міністэрства аховы здароўя Ізабела Ляшчына

PAP/Leszek Szymański

Міністэрства аховы здароўя Польшчы прызначыць 4 мільярды 200 мільёнаў злотых(больш за 981 мільёнаў еўра) на фінансаванне псіхіятрыі ў краіне. Грошы пойдуць у тым ліку на развіццё інфраструктуры, псіхіятрычную дапамогу і лячэнне залежнасці, паведаміла кіраўнічка Міністэрства аховы здароўя Ізабела Ляшчына.

Апошнім часам колькасць дзяцей і падлеткаў, якія патрабуюць дапамогі, павялічылася ўдвая, падкрэсліла нацыянальны кансультант у галіне дзіцячай псіхіятрыі доктар Аляксандра Левандоўска(Aleksandra Lewandowska):

- Колькасць дзяцей і падлеткаў, якія патрабуюць спецыялізаванай дапамогі і падтрымкі вырасла больш чым удвая. Нягледзячы на развіццё грамадскай апекі надалей значная група дзяцей знаходзіцца ў псіхічным крызісе; расце колькасць выпадкаў шпіталізацыі. Расце таксама колькасць няпоўнагадовых пацыентаў, якія адпраўлены ў псіхіятрычныя аддзелы рашэннем судоў.

3 мільярды злотых паступаюць з Медыцынскага фонду, а мільярд 200 мільёнаў злотых – з фондаў ЕС.

IAR/аз