Прайшла сумесная антынаркатычная аперацыя польскіх, французскіх і іспанскіх спецслужбаў.
Дзякуючы абмену інфармацыяй з французскімі і іспанскімі службамі ў Францыі і Іспаніі было канфіскавана больш за 1,3 тоны какаіну агульным коштам на чорным рынку больш за 300 мільёнаў злотых. Дзеянні службаў каардынаваў Еўрапол.
Наркотыкі павінны былі трапіць на чорны рынак у еўрапейскія краіны, у тым ліку ў Польшчу. У рамках расследавання праверылі два грузавікі з Польшчы і затрымалі грамадзяніна Польшчы, паведамляе Цэнтральнае следчае ўпраўленне паліцыі.
Першы этап аперацыі праходзіў у Францыі. Мясцовыя службы праверылі грузавік з польскімі нумарамі, які ехаў у бок Ліёна. Высветлілася, што ўнутры было каля 800 кілаграмаў какаіну, схаванага ў грузе з алюмініевых матэрыялаў. Польскі кіроўца транспартнага сродку затрыманы.
Далейшая дзейнасць вялася ў Іспаніі, недалёка ад Барселоны. Дзякуючы інфармацыі Жэшаўскага цэнтральнага следчага бюро паліцыі, іспанскія паліцыянты праверылі прыпаркаваны грузавік з польскімі рэгістрацыйнымі нумарамі. Унутры было каля 500 кг какаіну. Наркотыкі былі схаваныя сярод фарфору.
Па версіі следства, какаін мусіў патрапіць у Германію, Польшчу, Нідэрланды і Вялікабрытанію. Паводле інфармацыі міліцыі, расследаванне працягваецца.
IAR/вх