«Кібератака на ІТ-сістэму «Грамадзянскай платформы». Пачалося замежнае ўмяшанне ў выбары», — заявіў прэм'ер-міністр Дональд Туск у чацвер вечарам. Ён дадаў, што «службы гавораць пра ўсходні след».
Кіраўнік канцылярыі прэм'ер-міністра Ян Грабец у тэлевізіі Polsat News апісаў, як адбылася кібератака на сістэмы супрацоўнікаў партыі і Рафала Тшаскоўскага.
— Кібератака ўключала захоп электроннай пошты супрацоўніка. І праз гэта яны спрабавалі стварыць непраўдзівае паведамленне, – сказаў Ян Грабец.
Паводле яго, гэта была атака на серверы «Грамадзянскай платформы» і кампаніі Рафала Тшаскоўскага, а не на серверы ўрада. Кіраўнік канцылярыі прэм'ер-міністра ўказаў, што ўстаноўлена, што была спроба інфікавання некалькіх камп'ютараў - ад бухгалтэрыі да супрацоўнікаў штаба.
— І спроба ўзяць пад кантроль камп'ютары з дапамогай траянскага каня. Гэта павінна было даць магчымасць адсочваць тое, што адбываецца, а таксама ствараць кантэнт і перадаваць яго.
Міністр лічбавых спраў і віцэ-прэм'ер Кшыштаф Гаўкоўскі таксама пракаментаваў гэтае пытанне.
- Дзяржслужбы інтэнсіўна працуюць у сувязі з інцыдэнтам кібербяспекі ў дачыненні да партыі. Справа сур'ёзная, і мы будзем трымаць вас у курсе ўсіх дэталяў.
ав