Служба бяспекі Украіны затрымала ў Кіеве салдата Нацыянальнай гвардыі, які перадаваў расіянам інфармацыю аб сталічных ЦЭЦ.
Фігурантам справы з'яўляецца кантрактнік адной з воінскіх часцей Нацыянальнай гвардыі, якога расійскія спецслужбы дыстанцыйна завербавалі ў студзені гэтага года. Яго дзейнасць курыраваў кіраўнік агентурнай групы – былы ўкраінскі вайсковец, які жыў у адной з еўрапейскіх краін і там пачаў працаваць на ФСБ, гаворыць прэс-сакратар СБУ Арцём Дзехцярэнка.
слухайце аўдыёфайл
За кожную выкананую задачу абодва фігуранты атрымлівалі ад свайго куратара з ФСБ ад 100 да 1 тыс. долараў ЗША. Сума залежала ад складанасці праведзенай працы і важнасці атрыманай інфармацыі.
Падчас вобшукаў па месцы пражывання падазраванага ў Кіеве была знойдзеная кампʼютарная тэхніка і мабільны тэлефон з доказамі разведвальна-падрыўной дзейнасці на карысць Расіі.
Затрыманы меркаваны агент ФСБ знаходзіцца пад вартай, яму пагражае пажыццёвае пазбаўленне свабоды.
вс