Прэзідэнт ЗША Джо Байдэн рашуча адхіліў заклікі да яго адмовіцца ад сваёй заяўкі на пераабранне. У інтэрвʼю тэлеканалу ABC Джо Байдэн звязаў свой дрэнны выступ у перадвыбарчых дэбатах 27 чэрвеня ў CNN са стомленасцю і прастудай. Палітык таксама запэўніў, што фізічна і псіхічна здольны займаць пасаду прэзідэнта яшчэ чатыры гады.
«У мяне быў дрэнны вечар, я не ведаю чаму», – растлумачыў Джо Байдэн. Ён дадаў, што стаміўся і прастудзіўся.
На пытанне, ці будзе ён праходзіць неўралагічнае абследаванне, прэзідэнт ЗША адказаў, што вынікі яго комплекснага медыцынскага абследавання абнародуюцца кожны год. Ён таксама запэўніваў, што здольны перамагчы Дональда Трампа.
«Калі б Усемагутны Бог спусціўся на зямлю і сказаў: «Джо, адступі», я б зрабіў гэта. Але Бог не прыходзіць », – сказаў прэзідэнт ЗША.
Джо Байдэн выказаў перакананне, што апытанні, якія паказваюць перавагу Дональда Трампа, ненадзейныя і што барацьба за прэзідэнцкае крэсла вельмі роўная.
IAR/аз