У Саудаўскай Аравіі прайшла сустрэча дэлегацый ЗША і Расіі, мэтай якой было дасягненне марскога перамір'я ў Чорным моры.
На сустрэчы ў Эр-Рыядзе гаварылася сярод іншага аб магчымых лініях размежавання ва Украіне, сказаў прэзідэнт ЗША Дональд Трамп. Пра гэта паведамляе Reuters.
Амерыканскі лідар адзначыў, што перамовы былі сканцэнтраваныя пераважна на спыненні агню ў Чорным моры, але Вашынгтон настойвае на спыненні вайны Расіі супраць Украіны.
«Цяпер мы гаворым аб тэрыторыі. Мы гаворым аб лініі размежавання, гаворым аб энергетыцы, уласнасці на электрастанцыі. Некаторыя людзі кажуць, што Злучаныя Штаты павінны валодаць электрастанцыяй (маецца на ўвазе Запарожская АЭС – рэд.), таму што ў нас ёсць вопыт», - сказаў Дональд Трамп.
Перамовы дэлегацый ЗША і Расіі працягваліся больш за 12 гадзін. Украінская дэлегацыя засталася ў Эр-Рыядзе яшчэ на дзень для сустрэчы з прадстаўнікамі ЗША.
вс