Старшынёй Бундэстага абраная член Хрысціянска-дэмакратычнага саюза Юлія Клёкнер. Яна – прадстаўніца найбуйнешай палітычнай сілы ў парламенце Германіі.
У сваёй першай прамове палітык падкрэсліла, што Германія і Еўропа стаяць перад неабходнасцю ўзяць на сябе большую адказнасць за ўласную бяспеку.
Дэпутаты Бундэстага абіраюцца тэрмінам на чатыры гады. У парламенце 630 дэпутатаў прадстаўленыя пяццю партыямі.
23 лютага ў Германіі прайшлі датэрміновыя парламенцкія выбары. Першае месца заняла кааліцыя двух партый: Хрысціянска-дэмакратычнага саюза Германіі і Хрысціянска-сацыяльнага саюза ў Баварыі.
вс