«Эпоха глыбокіх сувязяў паміж Канадай і ЗША скончылася», — заявіў у адказ прэм'ер-міністр Канады Марк Карні.
Пасля таго, як Дональд Трамп абвясціў аб тарыфах, прэм'ер-міністр Канады прыпыніў сваю выбарчую кампанію, каб вярнуцца ў Атаву на сустрэчу ўрадавых чыноўнікаў, якія працуюць над тактыкай гандлёвай вайны са Злучанымі Штатамі.
У інтэрв'ю журналістам ён сказаў, што тарыфы неапраўданыя і назаўжды зменяць канадска-амерыканскія адносіны. Марк Карні дадаў, што незалежна ад будучых гандлёвых пагадненняў «шляху назад не будзе».
«Старыя адносіны, якія ў нас былі са Злучанымі Штатамі, заснаваныя на паглыбленні інтэграцыі нашых эканомік і цесным супрацоўніцтве ў сферы бяспекі і ваеннай сферы, падышлі да канца», — сказаў прэм'ер-міністр Канады.
Марк Карні таксама абвясціў, што Канада адкажа на мыты ЗША. Яны ўступяць у сілу 3 красавіка. Прэзідэнт ЗША таксама прыгразіў увесці больш высокія пошліны ў дачыненні да Еўрасаюза і Канады, калі яны аб'яднаюць сілы супраць ЗША ў адказ на абвешчаныя пошліны.
ПР/юл