У Белым доме мяркуюць, што галоўнай пагрозай для ЗША цяпер з'яўляецца Кітай, а стрымліванне Расіі трэба пакінуць еўрапейскім саюзнікам. Пра гэта паведаміла ў суботу, 29 сакавіка, газета The Washington Post, спасылаючыся на ўнутраны цыркуляр аб прыярытэтам амерыканскага міністэрства абароны, які разаслаў падначаленым кіраўнік Пентагона Піт Хегсэт.
Канцэпцыя планавання сіл Пентагона пры падрыхтоўцы да магчымай вайны з буйной дзяржавай будзе ўлічваць толькі канфлікт з Пекінам. Пагроза з боку Масквы ў значнай ступені застанецца еўрапейскім саюзнікам, вынікае з дакумента. Пентагон акажа ціск на саюзнікаў у Еўропе, на Блізкім Усходзе і ва Усходняй Азіі, каб тыя выдаткоўвалі больш сродкаў на абарону і ўзялі на сябе асноўную ролю ў стрымліванні пагроз, якія зыходзяць з Расіі, Паўночнай Карэі ды Ірана.
Пераарыентаванне на Кітай уключае ў сябе павелічэнне прысутнасці войскаў ЗША ў рэгіёне, а таксама ўзмацненне акцэнту на бомбах, якія знішчаюць умацаваныя і падземныя цэлі. Пентагон таксама заклікае ўзмацняць абарону месцаў дыслакацыі амерыканскіх войскаў у Інда-Ціхаакіянскім рэгіёне, ствараць стратэгічныя запасы і паляпшаць лагістыку.
Reuters/эж