Тэгеран не дазволіць узяць пад кантроль суднаходства ў Персідскім заліве.
Былы камандзір Іранскай ісламскай рэвалюцыйнай гвардыі Магсэн Разай заявіў сёння, што рашэнне брытанцаў і амерыканцаў зладзіць ваенны эскорт гандлёвых караблёў прывядзе да эскалацыі напружанасці ў рэгіёне. Іранскі вайсковец падкрэсліў, што Іран не шукае вайны, але будзе бараніць свае інтарэсы.
Іранскае агенцтва FARS заявіла, што брытанцы і амерыканцы пад падставай увядзення бяспекі ў рэгіёне маюць намер узяць пад кантроль праліў Армуз, які вядзе да Персідскага заліва.
«Бяспека ў Персідскім заліве – гэта наша бяспека (...) Любая эскалацыя напружання нанясе шкоду сусветнаму міру і стабільнасці», – заявіў генерал падчас сустрэчы з кітайскай дэлегацыяй у Тэгеране.
Раней прэс-сакратар МЗС Ірану Абас Мусаві падкрэсліў, што перамовы паміж Тэгеранам і Вашынгтонам немагчымыя, паколькі ЗША не імкнуцца да дыялогу.
ПР/юл