Электрыфікацыя прадоўжыла наш дзень, адначасова забруджваючы начное неба і парушаючы наш натуральны біялагічны гадзіннік. Даследаванні, праведзеныя ва ўніверсітэце Эксетэра(Exeter), паказваюць, што за апошнія 25 гадоў светлавое забруджванне павялічылася ажно на 49%. Штучнага асвятлення асабліва шмат у асенне-зімовым сезоне, калі дзень становіцца карацейшым.
Міжнародная асацыяцыя цёмнага неба (IDA) – гэта група астраномаў, якія абʼядналіся, каб прапагандаваць у сродках масавай інфармацыі праблему светлавога забруджвання, якая расце з кожным годам.
«Светлавы смог негатыўна ўплывае на здароўе людзей і паводзіны дзікай жывёлы», – тлумачыць філосаф Павел Мараўскі. Светлавое забруджванне, па дадзеных асацыяцыі, расце ва ўсім свеце ў два разы хутчэй, чым рост сусветнага насельніцтва. Сёння 8 з 10 чалавек жывуць пад забруджаным начным святлом небам.
Эвалюцыя забяспечыла нас натуральным сутачным цыклам, які рэгулюецца асноўнымі адносінамі, якія існуюць у прыродзе, гэта: святло – цемра. Светлавы смог, які ствараецца штучнымі крыніцамі святла, парушае гэты цыкл як у людзей, так і ў жывёлы. Гэта ўплывае на ўзровень гармонаў або рэпрадуктыўныя працэсы. Між тым, некаторыя віды палююць, размнажаюцца, мігруюць і ўпадаюць у спячку ў цемры, а інтэнсіўная яркасць ночы парушае іх нармальныя паводзіны.
PAP/аз