«Уладзімір Пуцін рана ці позна пачне сур'ёзна дамаўляцца», — заявіў прэм'ер-міністр Вялікабрытаніі. У суботу, 15 сакавіка, Кір Стармер распачаў анлайн-сустрэчу больш чым дваццаці еўрапейскіх лідараў, прысвечаную дасягненню міру ва Украіне.
Палітык заклікаў сваіх калег быць гатовымі да моманту, калі пачнуцца непасрэдныя перамовы Расіі і Украіны:
— У мяне ёсць адчуванне, што рана ці позна яму давядзецца сесці за стол і пачаць сур'ёзныя перамовы. Але мы не можам проста сядзець склаўшы рукі і чакаць, пакуль гэта адбудзецца. Трэба ісці наперад. Рыхтавацца да міру. Прычым стабільнага і доўгатэрміновага міру.
Улады Злучанага Каралеўства кажуць пра стварэнне «кааліцыі ахвотных», якая падтрымала б Украіну. Аднак яна аб'ядноўвае вельмі розныя краіны. Напрыклад, ёсць разыходжанні ў меркаваннях адносна магчымай адпраўкі ва Украіну міратворчых сіл.
У суботніх анлайн-перамовах, арганізаваных Лонданам, удзел прымае віцэ-прэм'ер, міністр нацыянальнай абароны Польшчы Уладзіслаў Касіняк-Камыш.
IAR/эж