Прэзідэнт ЗША Дональд Трамп падчас размовы з украінскім прэзідэнтам Уладзімірам Зяленскім запрапанаваў Украіне перадаць ва ўласнасць ЗША украінскія электрастанцыі, каб лепш абараніць іх. Пра гэта гаворыцца ў сумеснай заяве дарадцы па пытаннях нацыянальнай бяспекі ЗША і дзяржаўнага сакратара ЗША, якую зачытала 19 сакавіка ў Вашынгтоне прэс-сакратар Белага дома Кэралайн Лівіт, перадае агенцтва «Укрінформ».
«Прэзідэнт Трамп і прэзідэнт Украіны Уладзімір Зяленскі правялі фантастычную тэлефонную размову», – зачытала пачатак заявы прадстаўніца Белага дома.
Паводле яе слоў, Зяленскі падзякаваў Трампу за прадуктыўны пачатак, у тым ліку падчас сустрэчы ўкраінскай і амерыканскай каманд у Джыдзе 11 сакавіка, што істотна «дапамагло прасунуцца наперад да спынення вайны». Акрамя таго, адзначаецца, што прэзідэнт Украіны падзякаваў ЗША за падтрымку - ад супрацьтанкавых ракет Javelin, якія прэзідэнт Трамп даў яшчэ падчас першага тэрміну на пасадзе - да цяперашняй дапамогі.
«Лідары пагадзіліся, што Украіна і Амерыка будуць працягваць працаваць разам, каб сапраўды пакласці канец вайне», - заявіла Лівіт.
Па выніках размовы намечаныя сустрэчы тэхнічных груп.
вс