Абодва выпадкі адбыліся ў Цярнопальскай вобласці на захадзе Украіны.
14-гадовая дзяўчына была вымушана супрацоўнічаць з расіянамі пасля таго, як ёй пагражалі апублікаваць яе інтымныя фатаграфіі, якія яна захоўвала ў сваім тэлефоне, паведаміла СБУ.
Дзяўчына спрабавала закласці выбуховае прыстасаванне пад машыну, прыпаркаваную каля будынку паліцыі ў Цярнопалі.
«Вораг заўважыў дзяўчыну, калі яна шукала магчымасць хуткага заробку ў Telegram-каналах. Каб схіліць яе да супрацоўніцтва, рашысты (расіяне) узламалі яе тэлефон», — растлумачылі на сайце СБУ.
Дзяўчына пагадзілася на супрацоўніцтва і паводле інструкцый, атрыманых ад расіян, сканструявала зарад выбухоўкі. У момант яго ўстаноўкі «расійскія агенты мелі намер дыстанцыйна запусціць гэты зарад, і забіць свайго агента і як мага больш людзей, якія ў гэты момант знаходзіліся побач», — гаворыцца ў заяве СБУ.
Раней пракуратура Цярнопальскага раёна паведаміла, што вучань шостага класа пачатковай школы Кшэмянецкага раёна паведаміў у паліцыю аб спробе вярбоўкі яго расіянамі.
Хлопец «распавёў (…), што атрымаў паведамленне ў Telegram з невядомага акаўнта з прапановай узнагароды за падпалы аб’ектаў крытычнай інфраструктуры і будынкаў праваахоўных органаў. (…) Абяцаных грошай шасцікласнік не ўзяў і, памятаючы пра прафілактычныя гутаркі, якія ў школе праводзілі паліцыя і настаўнікі, паведаміў пра гэты факт афіцэру паліцыі», — паведамілі ў пракуратуры.
PAP/яс