Еўрапейскія краіны заявілі аб далейшых пакетах падтрымкі Украіны. Францыя выдзеліць 2 мільярды еўра, Швецыя - 1,5 мільярда еўра, Германія - 12 мільярдаў еўра на працягу наступных некалькіх гадоў, - заявіла вярхоўны прадстаўнік ЕС па знешняй палітыцы Кая Калас. Яна таксама палічыла рэальным забяспечыць Украіну цягам года двума мільёнамі артылерыйскіх снарадаў.
Кая Калас у чацвер узначаліла нефармальную сустрэчу міністраў абароны ЕС, якая адбылася ў Варшаўскай цытадэлі. Сустаршынёй быў віцэ-прэм'ер, міністр нацыянальнай абароны Уладзіслаў Касіняк-Камыш.
Пасля сустрэчы Калас запэўніла, што рэальна дастаўляць 2 мільёны артылерыйскіх снарадаў у год. Раней Калас заяўляла, што краіны ЕС ужо могуць пастаўляць больш за 50% неабходных украінцам боепрыпасаў.
Прэзідэнт Украіны Уладзімір Зяленскі заявіў сёння, што ёсць шанец прымусіць Расію заключыць перамір'е ў бліжэйшыя тыдні ці месяцы. Зяленскі падчас сустрэчы з прадстаўнікамі мясцовых уладаў Чарнігаўскай вобласці падкрэсліў, што Украіна пагадзілася на безумоўнае спыненне агню. Паміж ЗША і Расіяй ідуць перамовы аб перамір'і. Каб дамагчыся спынення агню, трэба ціснуць на Маскву, дадаў прэзідэнт.
Украінскі лідар выказаў упэўненасць, што спыненне агню магчыма ў «найбліжэйшыя тыдні, а можа, і месяцы». Ён заявіў, што Украіна, імкнучыся да справядлівага міру, не прызнае акупаваныя тэрыторыі расійскімі і не пагодзіцца на скарачэнне свайго войска.
PAP/ав